உதவி பொலிஸ் அத்தியட்சகர் ஒருவர் உள்ளிட்ட 15 பொலிஸ் அதிதாரிகளுக்கு உடனடியாக அமுலுக்கு வரும் வகையில் அவசர இடமாற்றம் வழங்கப்பட்டுள்ளது.
தேசிய பொலிஸ் ஆணைக்குழுவின் அனுமதிப்படி சேவையின் அவசியத்தை கருத்தில் கொண்டு குறித்த இடமாற்றம் வழங்கப்பட்டுள்ளதாக பொலிஸ் தலைமையகம் தெரிவித்துள்ளது.
அதன்படி கொழும்பு வடக்கு பிரிவில் கடமையாற்றிய உதவி பொலிஸ் அத்தியட்சகர் W.L.J.R.D சொய்சா பொலிஸ் விசேட அதிரடிப்படைக்கு மாற்றப்பட்டுள்ளார்.
மேலும் இடமாற்றம் வழங்கப்பட்டுள்ள ஏனைய பொலிஸ் அதிகாரிகளுள் பிரதான பொலிஸ் பரிசோதகர்கள் மூவர் மற்றும் பொலிஸ் பரிசோதகர்கள் 11 பேர் அடங்குவதாகவும் பொலிஸ் தலைமையகம் தெரிவித்துள்ளது.
