புலத்சிங்ஹல, மதுகம வீதியின் பஹலவெல்கம பிரதேசத்தில் இடம்பெற்ற வாகன விபத்தில் இருவர் உயிரிழந்துள்ளதுடன் மேலும் இருவர் காயங்களுக்குள்ளாகியுள்ளனர்.
எனினும் காயங்களுக்குள்ளாகியிருப்பவர்களின் நிலை கவலைக்கிடமாக காணப்படுவதாக தெரிவிக்கப்பட்டுள்ளது.
வேன் ஒன்றும் முச்சக்கர வண்டி ஒன்றும் நேருக்கு நேர் மோதியதன் காரணமாக விபத்து நிகழ்ந்துள்ளதாக பொலிஸார் தெரிவித்துள்ளனர்.
விபத்தில் காயமடைந்த முச்சக்கர வண்டியின் சாரதி உள்ளிட்ட நால்வர் புலத்சிங்ஹல வைத்தியசாலையில் அனுமதிக்கப்பட்டதை அடுத்து சாரதி மற்றும் முச்சக்கரவண்டியில் பயணித்த பிரயாணி ஒருவர் ஆகியோர் உயிரிழந்துள்ளனர்.
இஹல வெல்கமை, மஹகமை பிரதேசங்களை சேர்ந்த 31, 41 வயதுடைய நபர்களே சம்பவத்தில் உயிரிழந்துள்ளதாக பொலிஸார் தெரிவித்துள்ளனர்.
சம்பவம் தொடர்பில் வேன் சாரதி கைது செய்யப்பட்டுள்ளதுடன் மேலதிக விசாரணைகளை புலத்சிங்ஹல பொலிஸார் முன்னெடுத்து வருகின்றனர்.
