காவல்துறை அலுவலர்கள் முகங்கொடுக்கும் பல பிரச்சினைகளுக்கு விரைவில் தீர்வு பெற்றுகொடுப்பது தொடர்பில் ஜனாதிபதி அவதானம் செலுத்தியுள்ளதாக தெரிவிக்கப்படுகிறது.
ஜனாதிபதியின் ஊடக பிரிவு வெளியிட்டுள்ள அறிக்கையில் இந்த வி;டயம் தெரிவிக்கப்பட்டுள்ளது.
இதன்படி, காவல்துறை அலுவலர்களின் பதவி உயர்வு தொடர்பில் உரிய நடைமுறைகள் பின்பற்றப்படல், உயர் மற்றும் கீழ் நிலைகளில் நிலவும் வெற்றிடங்களை நிரப்ப விரைவில் நடவடிக்கை மேற்கொள்ளுமாறு, ஜனாதிபதி காவல்துறை ஆணைக்குழுவுக்கும் காவல்துறை மா அதிபருக்கும் பணிப்புரை விடுத்துள்ளதாக அந்த அறிக்கையில் குறிப்பிடப்பட்டுள்ளது.
