யாழ்ப்பாணம், மானிப்பாய் மற்றும் வட்டுக்கோட்டை பொலிஸ் பிரிகளுக்கு உட்பட்ட பகுதிகளில் இடம்பெற்ற கொள்ளை மற்றும் திருட்டுச் சம்பவங்களுடன் தொடர்புபட்ட குற்றச்சாட்டில் மூன்று பேர் கைது செய்யப்பட்டனர்.
மானிப்பாய் பொலிஸ் நிலைய பொறுப்பதிகாரி நாலக்க ஜெயவீர இந்த தகவலை வெளியிட்டுள்ளார்.
சந்தேக நபர்கள் சங்கானை கட்டுடையைச் சோ்ந்த 18 மற்றும் 20 வயதுகளை உடையவர்கள் என தெரிவிக்கப்பட்டுள்ளது.
இதுதவிர, சங்கானை – தேவாலய வீதி கொள்ளை, சண்டிலிப்பாய் திருட்டு, சுதுமலையில் மதகுரு வீட்டில் நகை, பணம் திருட்டு, வட்டுக்கோட்டை பகுதியில் உள்ள ஆசிரியர் ஒருவரின் வீட்டில் இடம்பெற்ற திருட்டு உள்ளிட்ட சம்பவங்களில் இவர்களுக்கும் தொடர்புள்ளமை விசாரணைகளில் தெரியவந்துள்ளது.
வயது முதிர்ந்த தம்பதிகள் உள்ள வீடுகளுக்கு பணியாட்களாக செல்லும் அவர்கள் அங்குள்ள நகைகள் மற்றும் பணம் தொடர்பில் திருடர்கள் மற்றும் கொள்ளையர்களுக்கு தகவல் வழங்கி வந்துள்ளனர்.
பின்னர் கொள்ளையிடப்படும் நகை, பணத்தில் இவர்கள் பங்கிட்டுக் கொள்வதாக விசாரணையில் தெரியவந்துள்ளதாக மானிப்பாய் பொலிஸ் நிலைய பொறுப்பதிகாரி தெரிவித்தார்.
கைது செய்யப்பட்டர்களிடம் இருந்து 2 சங்கிலிகள், ஒரு மோதிரம், தோடு ஆகியன மீட்கப்பட்டுள்ளன.
