ஓய்வுபெற்ற மன்னார் ஆயர் இராயப்பு யோசப் ஆண்டகை பற்றிய ‘எ லிவ்விங் கீறோ’ என்ற ஆங்கில நூல் நாளை (வியாழக்கிழமை) வெளியிடப்படவுள்ளது.
மன்னார் மறைமாவட்ட சமூகத் தொடர்பு அருட்பணி மையம் ‘கலையருவி’ அமைப்பின் இயக்குனர் அருட்திரு. தமிழ் நேசன் அடிகளாரின் ஏற்பாட்டில், மன்னார் குடும்ப நல பொதுநிலையினர் பணியக மண்டபத்தில் வெளியீட்டு விழா நடைபெறவுள்ளது.
இந்நூல் அருட்திரு கலாநிதி வின்சன்ற் பற்றிக் (அமதி) அடிகளாரால் எழுதப்பட்டது. இந்த ஆங்கில நூல் ஓய்வுபெற்ற மன்னார் மறைமாவட்ட ஆண்டகை இராயப்பு யோசப் ஆண்டகையால் எழுதப்பட்ட சில ஆவணங்களினதும், அவரைப்பற்றி எழுதப்பட்ட சில ஆவணங்களினதும் தொகுப்பாக அமைந்துள்ளது.
மன்னார் மறைமாவட்ட குருமுதல்வர், அருட்திரு. ஏ. விக்டர் சோசை அடிகளார் இந்நூல் வெளியீட்டு விழாவுக்கு தலைமைதாங்குகின்றார். மன்னார் மறைமாவட்ட அப்போஸ்தலிக்க பரிபாலகர் மேதகு கிங்சிலி சுவாம்பிள்ளை ஆண்டகை இந்த விழாவில் பிரதம விருந்தினராக கலந்துகொள்கிறார்.
