புத்தளம், குதிரை மலைக்கு கிழக்காக உள்ள கடற்பிரதேசத்தில் தடை செய்யப்பட்ட வலைகளை பயன்படுத்தி சட்டவிரோதமான மீன்பிடியில் ஈடுபட்ட 7 மீனவர்கள் கடற்படையினரால் கைது செய்யப்பட்டுள்ளனர்.
குறித்த நபர்கள் கைது செய்யப்பட்ட வேளையில் மீன்பிடி நடவடிக்கைகளுக்காக பயன்படுத்திய 2 டிங்கி இயந்திரங்கள், 5 தடை செய்யப்பட்ட வலைகள் மற்றும் 283 கிலோ மீன்களும் கைப்பற்றப்பட்டுள்ளன.
கைது செய்யப்பட்ட நபர்கள் மற்றும் உபகரணங்கள் மேலதிக விசாரணைகளுக்காக புத்தளம் உதவி மீன்பிடி பணிப்பாளரிடம் ஒப்படைக்கப்பட்டுள்ளமை குறிப்பிடத்தக்கது.
