தி.மு.க. வேட்பாளருக்கு ஆதரவாக தேர்தல் பணியாற்றிட காங்கிரஸ் கட்சியில் தேர்தல் பணிக்குழு நியமிக்கப்பட்டுள்ளதாக தமிழ்நாடு காங்கிரஸ் தலைவர் திருநாவுக்கரசர் அறிவித்துள்ளார்.
தமிழ்நாடு காங்கிரஸ் தலைவர் சு.திருநாவுக்கரசர் வெளியிட்டுள்ள அறிவிப்பில் கூறப்பட்டுள்ளதாவது:-
நடைபெறவுள்ள ஆர்.கே.நகர் சட்டமன்றத் தொகுதி இடைத்தேர்தலில் தி.மு.க. வேட்பாளரும், காங்கிரஸ் கூட்டணி வேட்பாளருமான மருதுகணேசை ஆதரித்து தேர்தல் பணியாற்றிட காங்கிரஸ் கட்சி சார்பில் தேர்தல் பணிக்குழு நியமிக்கப்படுகிறது. அதன்படி, தேர்தல் பணிக்குழுவின் தலைவராக எம்.எஸ். திரவியம், துணைத் தலைவர்களாக உ.பலராமன், இரா.மனோகர் ஆகியோர் நியமிக்கப்படுகின்றனர். உறுப்பினர்களாக கராத்தே ஆர்.தியாகராஜன், க.வீரபாண்டியன், சிவ ராஜசேகரன், எம்.ஜோதி, எம்.கஜ நாதன், நடிகர் கே.ராஜன், டி.வி.துரைராஜ், எர்னஸ்ட் பால், உள்பட 50 பேர் நியமிக்கப்படுகின்றனர்.இவ்வாறு அதில் கூறப்பட்டுள்ளது.
