கொழும்புத் துறைமுகத்தில் பாரிய தீ விபத்து ஒன்று ஏற்பட்டுள்ளது.கொழும்புத் துறைமுகத்தில் குவித்து வைக்கப்பட்டுள்ள இறப்பர் குவியலிலேயே இந்தத் தீ விபத்து ஏற்பட்டுள்ளதாகத் தெரியவந்துள்ளது.
மேலும் இந்த தீவிபத்தினால் குறித்த பகுதி முழுவதும் புகைமண்டலமாக காணப்படுவதாக தகவல்கள் தெரிவிக்கின்றன.
துறைமுகத்தில் கொள்கலன்கள் நிறுத்தி வைக்கப்பட்டுள்ள பகுதியிலேயே இந்தத் தீவிபத்து ஏற்பட்டுள்ளதாகவும் தெரிவிக்கப்பட்டுள்ளது.
அத்துடன் கொள்கலன்களில் ஒரு தொகுதி சேதமடைந்துள்ளதாகவும், உயிரிழப்புக்கள் எதுவுமில்லையெனவும், தீயணைப்பு வீரர்கள் தீயைக் கட்டுப்பாட்டுக்குள் கொண்டு வர முயற்சிக்கின்றனர் எனவும் தெரியவந்துள்ளது.
