50 லட்சம் பெறுமதி கொண்ட ஹெரொயின் போதை பொருளுடன் இந்தியர் ஒருவர் கட்டுநாயக்க வானூர்தி தளத்தில் வைத்து கைது செய்யப்பட்டுள்ளார்.
கட்டுநாயக்க வானூர்தி நிலைய பாதுகாப்பு பிரிவினரால் இவர் இன்று காலை கைது செய்யப்பட்டுள்ளார்.
கைது செய்யபட்டவரிடம் இருந்து 838 கிராம் நிறை கொண்ட ஹெரோயின் கைப்பற்றப்பட்டதாக காவற்துறை ஊடக பேச்சாளர் காரியாலம் தெரிவித்துள்ளது.
38 வயதுடைய இவரிடம் மேலதிக விசாரணைகள் மேற்கொள்ளப்பட்டு வருகின்றன.
இதனிடையே, முச்சக்கரவண்டியில் கேரள கஞ்சா போதைப்பொருளை கடத்திச் சென்ற மூன்று பேர் நேற்று இரவு காலியில் வைத்து கைதுசெய்யப்பட்டனர்.
இதன்போது இவர்களிடம் இருந்து சுமார் 23 கிலோ கேரள கஞ்சா மீட்கப்பட்டதாக காவல்துறையினர் தெரிவித்தனர்.
