இலங்கையில் இருந்து தங்கக் கட்டிகளை இந்தியாவுக்குக் கடத்திச் செல்ல முற்பட்ட இந்தியப் பெண் ஒருவர் நேற்று (25) சுங்கத் துறையினரால் தடுத்துவைக்கப்பட்டார்.
சென்னை செல்லவிருந்த ஸ்ரீலங்கன் எயார்லைன்ஸ் விமானத்தின் பெண் பயணியொருவர் கொழும்பு விமான நிலையத்தில் சுங்கத் துறையினரால் பரிசோதனைக்கு உட்படுத்தப்பட்டார்.
அப்போது அவரிடம் மேற்கொள்ளப்பட்ட விசாரணையின்போது, சுமார் ஆறரை இலட்ச ரூபா மதிப்புள்ள இரண்டு தங்கக் கட்டிகள் அவரது பயணப் பொதியில் இருந்து கைப்பற்றப்பட்டது.
இதையடுத்து, பத்தாயிரம் ரூபா சரீரப் பிணையில் அவர் விடுவிக்கப்பட்டார்.
