ஜனாதிபதியின் உறவினர் ஒருவரின் வீடு உள்ளிட்ட 40 வீடுகளில் கொள்ளையடித்த சந்தேகநபர் ஒருவர் இன்று தம்புத்தேகம, கொன்வேவ பகுதியில் வைத்து கைது செய்யப்பட்டுள்ளதாக மாவத்தகம பொலிஸார் தெரிவித்துள்ளனர்.
இராணுவத்திலிருந்து தப்பிச்சென்றுள்ள சந்தேகநபருக்கு எதிராக கொள்ளைச்சம்பவங்கள் தொடர்பில் சுமார் 40க்கும் அதிகமான வழக்குகள் காணப்படுவதாக பொலிஸார் குறிப்பிட்டுள்ளனர்.
சந்தேகநபர் ஜனாதிபதியின் உறவினர் ஒருவரின் வீட்டில் 20 பவுன் நகை மற்றும் 450,000 ரூபாய் பணத்தை கொள்ளையடித்துள்ளதாக பொலிஸார் மேலும் தெரிவித்துள்ளனர்.
