அரசாங்கத்தினால் முன்வைக்கப்பட்டுள்ள 2018ஆம் ஆண்டுக்கான வரவு – செலவு திட்டம் தொடர்பில், தமிழ்த் தேசிய கூட்டமைப்பின் பாராளுமன்ற உறுப்பினர்கள் இடையே ஏற்பட்ட கருது முரண்பாடுகள் காரணமாக, இன்று இடம்பெறவிருக்கும் வரவு – செலவு திட்டம் மீதான இரண்டாவது வாக்கெடுப்பின் போது, தமிழ்த் தேசிய கூட்டமைப்பின் 8 பாராளுமன்ற உறுப்பினர் வரவு – செலவு திட்டத்திற்கு எதிராக வாக்களிக்கவுள்ளதாக அக்கட்சியின் தகவல்கள் தெரிவிக்கின்றன.
அதேவேளை இது தொடர்பில் தமிழ்த் தேசிய கூட்டமைப்பின் பாராளுமன்ற உறுப்பினர்கள் இன்று காலை எதிர்க்கட்சித் தலைவர் அலுவலகத்தில் மீண்டும் கலந்துரையாடவுள்ளதாகவும் தெரியவந்துள்ளது.
வரவு – செலவு திட்டம் மீதான இரண்டாவது வாக்கெடுப்பு இன்று மாலை 6 மணிக்கு பாராளுமன்றில் இடம்பெறவுள்ளது.
