நுவரெலியா மாவட்டத்தில் புதிய பிரதேச சபைகள் – அமைச்சரவை அங்கீகாரம்

நுவரெலிய மாவட்டத்தின் பிரதேச சபைகளை 6 ஆக அதிகரிக்க அமைச்சரவை அங்கீகாரம் வழங்கியுள்ளது.

கடந்த 1987ம் ஆண்டு முதல் நுவரெலியா மாவட்டத்திற்கு மேலும் சில பிரதேச சபைகள் அமைக்கப்பட வேண்டும என கோரிக்கைகள் விடுக்கப்பட்டு வந்த போதிலும் ஆட்சியில் இருந்த கடந்த அரசாங்கங்கள் அதனை நிராகரித்து வந்தன.

இந்நிலையில் , தமிழ் முற்போக்கு கூட்டணியின் தலைவரும் அமைச்சரவை அந்தஸ்த்துள்ள அமைச்சருமான மனோ கணேசன் உள்ளூராட்சி மற்றும் மாகாண சபைகள் அமைச்சர் பைசர் முஸ்தபாவிடம் பத்திரத்தினை சமர்ப்பித்ததோடு பைசர் முஸ்தபா அதனை அமைச்சரவையில் சமர்ப்பித்திருந்தார்.

இவ்வாறு சமர்ப்பிக்கப்பட்ட பத்திரத்திற்கே அமைச்சரவை இன்று அங்கீகாரம் வழங்கியுள்ளது.