நாட்டின் நிலவும் சீரற்றக்காலநிலை இன்றும் தொடரும் என்று வளிமண்டலவியல் திணைக்களம் தெரிவித்துள்ளது.
நாட்டின் பல மாகாணங்களில் மழை அல்லது இடியுடன் கூடிய மழை பெய்யக்கூடும் என்பதுடன், மத்திய மலை நாட்டை அண்டி பிரதேசங்களில் பலத்த மழை பெய்யக்கூடும் என குறிப்பிடப்பட்டுள்ளது.
மத்திய, சப்ரகமுவ, மேல், வடமேல், வடக்கு மற்றும் வடமத்திய மாகாணங்களுடன், காலி மற்றும் மாத்தறை மாவட்டங்களிலும் சில இடங்களில் 150 மில்லி மீட்டருக்கும் அதிகமான அடை மழை பெய்யக்கூடும் என அந்த திணைக்களம் தெரிவித்துள்ளது.
இடியுடன் கூடிய மழை பெய்யும் போது தற்காலிகமாக பலத்த காற்றும் வீசக்கூடும் என்பதுடன், மின்னலினால் ஏற்படும் ஆபத்துக்களை குறைத்து கொள்ள நடவடிக்கை மேற்கொள்ளுமாறு வளிமண்டலவியல் திணைக்களம், மக்களிடம் கோரியுள்ளது.
