யாழில் இளைஞர் ஒருவர்மீது துப்பாக்கிச் சூட்டுக்கு இலக்காகி மரணமடைந்ததைத் தொடர்ந்து யாழ் நகரில் தற்பொழுது விசேட அதிரடிப்படையினரும் காவல்துறையினரும் குவிக்கப்பட்டுள்ளதாக அங்கிருந்து கிடைக்கும் செய்திகள் கூறுகின்றன.
நேற்று பிற்பகல் 3.30 மணியளவில் உதயபுரம் பகுதியில் பகுதியில் இடம்பெற்ற துப்பாக்கிச் சூட்டின்போது இளைஞர் ஒருவர் படுகாயமடைந்திருந்தார். உந்துருளியில் வந்த இருவரே இந்த துப்பாக்கிச் சூட்டினை நடத்தியதாகக் கூறப்பட்டுள்ளது.
படுகாயமடைந்த நிலையில் யாழ் போதனா வைத்தியசாலையில் அதி தீவிர சிகிச்சைப் பிரிவில் சிகிச்சை பெற்றுவந்த குறித்த இளைஞன் சிகிச்சை பலனின்றி உயிரிழந்துள்ளார்
வலப்பக்க முதுகில் குண்டு பாய்ந்ததனால் அதிகமான இரத்தப்போக்கு நிகழ்ந்துள்ளதாக யாழ். வைத்திய அதிகாரி சத்தியமூரத்தி தெரிவித்துள்ளார். சம்பவம் தொடர்பான விசாரணைகளை காவல்துறையினர் மேற்கொண்டுவரும் நிலையிலேயே யாழ் நகரமெங்கும் மேலெதிக பாதுகாப்பு பலப்படுத்தப்பட்டுள்ளது.
