பௌத்த தேரர் ஒருவரால் மேற்கொள்ளப்பட்ட முறைப்பாடு தொடர்பாக வாக்குமூலம் பதிவு செய்வதற்கு குற்றப் புலனாய்வு பிரிவினரால் விடுக்கப்பட்ட அழைப்பாணையை வடமாகாண சபை உறுப்பினர் எம்.கே.சிவாஜிலிங்கம் நிராகரித்துள்ளார்.
இச் சம்பவம் தொடர்பாக தெரியவருவதாவது,
வடமாகாண சபை உறுப்பினர் எம்.கே. சிவாஜிலிங்கத்திற்கு எதிராக பௌத்த தேரர் ஒருவர் குற்றப் புலனாய்வு பிரிவில் முறைப்பாடொன்றை மேற்கொண்டிருந்தார்.
இதனையடுத்து இம் முறைப்பாடு தொடர்பாக வாக்கு மூலம் ஒன்றினை பெற்றுக்கொள்வதற்காக நேற்றைய தினம் கொழும்பு குற்றப் புலனாய்வு பிரிவில் ஆஜராகுமாறு வடமாகாண சபை உறுப்பினருக்கு குற்றப் புலனாய்வு பிரிவில் இருந்து அழைப்புக்கிடைத்திருந்தது.
எனினும் தமக்கு உடல் உபாதைகள் உள்ளமையினால் தினம் தினம் கொழும்புக்கு பயணம் செய்து வரமுடியாது என்றும் அவ்வாறு வாக்குமூலத்தை பெற்றுக்கொள்ள விரும்பினால் யாழ்ப்பாணத்திற்கு வந்து வாக்குமூலத்தை பெற்றுக்கொள்ளுங்கள் என்றும் அவர் குற்றப் புலனாய்வு பிரிவினருக்கு தெரிவித்துள்ளார்.
