கொழும்பு – வெல்லவாய வீதியின் அம்பலன்தோட்டை நகரில் இடம்பெற்ற வாகன விபத்தில் சிவில் பாதுகாப்பு படை அதிகாரி ஒருவர் உயிரிழந்துள்ளார்.
வீதியில் மோட்டார் வாகனங்களை பரிசோதிக்கும் பணியில் ஈடுபட்டிருந்த வேளை, கெப் வாகனம் ஒன்று மோதியதிலேயே இவர் பலியாகியுள்ளதாக பொலிஸார் குறிப்பிட்டுள்ளனர்.
இவர் அம்பலன்தோட்டை பகுதியைச் சேர்ந்த 43 வயதான ஒருவராகும்.
மேலும், இந்த சம்பவம் தொடர்பில் கெப் வண்டியின் சாரதி கைதுசெய்யப்பட்டுள்ளார்.
இது குறித்த மேலதிக விசாரணைகள் மேற்கொள்ளப்பட்டு வருகின்றன.
