நாட்டின் பல பாகங்களில் மழை பெய்தாலும் 18 மாவட்டங்களைச் சேர்ந்த மக்கள் இன்னும் வறட்சியால் பாதிக்கப்பட்டுள்ளதாக தெரிவிக்கப்பட்டுள்ளது.
அனர்த்த முகாமைத்துவ மத்திய நிலையம் இந்த தகவலை வெளியிட்டுள்ளது.
அந்த வறட்சி நிலமை காரணமாக 5 லட்சத்து 530 குடும்பங்களைச் சேர்ந்த 17 லட்சத்து 5 ஆயிரத்து 79 பேர் பாதிக்கப்பட்டுள்ளதாகவும் அனர்த்த முகாமைத்துவ மத்திய நிலையம் வெளியிட்டுள்ள அறிக்கையில் தெரிவிக்கப்பட்டுள்ளது.
அத்த அறிக்கையில் படி, திருகோணமலை, மட்டக்களப்பு, அம்பாறை, பொலன்னறுவை, அநுராதபுரம், குருநாகல், புத்தளம், கிளிநொச்சி, வவுனியா, முல்லைத்தீவு, யாழ்ப்பாணம், மன்னார், இரத்தினபுரி, மொனராகலை, கண்டி, மாத்தளை, ஹம்பாந்தோட்டை மற்றும் நுவரெலியா ஆகிய மாவட்ட மக்கள் வறட்சியால் பாதிக்கப்பட்டுள்ளனர்.
இவற்றில் அதிக பாதிப்புகளை புத்தளம் மாவட்டம் எதிர்கொண்டுள்ளது.
அங்கு 87 ஆயிரத்து 145 குடும்பங்களைச் சேர்ந்த 2 லட்சத்து 88 ஆயிரத்து 784 பேர் வறட்சியால் பாதிக்கப்பட்டுள்ளதாகவும் அனர்த்த முகாமைத்துவ மத்திய நிலையம் வெளியிட்டுள்ள அறிக்கையில் குறிப்பிடப்பட்டுள்ளது.
